Ciyaaraha
Jose Mourinho Oo Ku Xanaaqay Shaqaalihiisa Caafimaadka Ka Dib Barbarihii Ay La Galeen Swansea City.
Tababaraha kooxda Chelsea Jose Mourinho ayaa ku eedeeyay shaqaalaha caafimaadka kooxdiisa inay Eden Hazard daweeyn ugu soo carareen intii ay socotay kulankii ay barbaraha la galeen Swansea City.
Kooxda Blues oo casaan laga siiyay goolhaye Thibaut Courtois ayaa sagaal ciyaaryahan noqday in muddo ah ka dib mar markii shaqaalaha caafimaadka ay daweeyeen Hazard inkastoo uu u muuqday mid aan dhaawac xun soo gaarin
Haddii ciyaaryahan ii daweyn ka helo shaqaalaha caafimaad, waxaa ku qasab ah inuu garoonka ka baxo, taasoo ka dhigtay Chelsea in muddo ah inay sagaal ciyaaryahan ku ciyaaraan, waana waxa ka careysiiyay Jose Mourinho.
“Kuma faraxsaneyn shaqaalaheyga caafimaadka. Waxa ay ahaayeen kuwa sal fudud oo aan caqli laheyn” ayuu Mourinho u sheegay Sky Sports.
“Haddii aad tahay ninka maaliyadaha madaxda ka ah, dhakhtar ama qofka kala agaasima kursiga keydka waxaad ku qasban tahay inaad fahamto ciyaarta.
“Waa inaad ogataa in durbaba ciyaaryahan kaa maqan yahay, waana inaad ogaataa marka aad caawineyso ciyaaryahan inuu dhaawac halis ah soo gaaray. Waan hubay Eden wax dhibaato weyn ah ma uusan qabin. Jug ayaa soo gaartay wuuna daalanaa.”
Ciyaaraha
Kooxda Elman oo markii ugu horeysay u laabatay horyaalka heerka labaad
Kooxda kubadda Cagta Elman oo ka mid ah kooxaha ugu waaweyn ee Soomaaliya ayaa maanta ka hartay horyaalka koowaad ee Dalka kadib markii ugu horeysay tan iyo markii uu dib u bilowday horyaalka Soomaaliya Dowladii dhexe ee dalka.
Kooxda Elman ayaa ka mid ahayd kooxaha ugu guulaha badan ee Horyaalka dalkeenna.
Kulankii ugu dambeeyey oo ah mid lagu kala saarayay, Elman iyo Jeenyo cidda u laabaneyso horyaalka heerka labaad ee dalka ayaa ka dhacay galabta tuulada Cayaaraha ee Muqdisho, waxaana cayaartii maanta oo ay u soo daawasho tegeen dadweyne aad u fara badan oo ka kaal yimid Degmooyinka Gobolka Banaadir.
Qeybtii hore ee cayaarta ayaa lagu kala nastay bar bardhac 1-1, waxaana cayaarta qeybtii labaad marka la isku soo laabtay ay labada koox sameeyeen weerar iyo weerar celis oo ay labada dhinacba ku abuureen fursado dahabi ah oo ay goolal ku keeni kareen, balse ugu dambeyn Kooxda Jeenyo ayaa la timid gool taasi oo cayaarta ka dhigtay 2-1 oo ay guusha ku hogaamineysay Jeenyo.
Guud ahaan cayaaarta ayaa ku soo idlaatay 2-1 oo ay guusha ku raacday Kooxda Jeenyo, halka Kooxda Elman ay u laabatay heerka labaad horyaalka Dalka.
Ciyaaraha
Kooxda Paris Saint-Germain oo Ku dhawaaqday Lawareegidda Gool haye Dannarumma
Kooxda reer France ee Paris Saint-Germain ayaa si rasmi ah ugu dhawaaqday saxiixa goolhayaha reer Talyaani ee Gianluigi Donnarumma.
Gianluigi Donnarumma ayaa u saxiixay Kooxda reer France ee Paris Saint-Germain, heshiis muddo 5 sano ah, kaasoo gaaraya ilaa iyo xagaaga 2026, kaddib markii uu kaga soo dhaqaaqay naadiga reer Talyaani ee AC Milan.
Ku dhawaaqistan rasmiga ah ee dhameystirka heshiiska Gianluigi Donnarumma ayaa imaanaya dhowr maalmood kaddib markii uu xulkiisa Talyaaniga ku hoggaamiyay hanashada Koobka Qaramada Qaarada Yurub ee Euro 2020.
Gianluigi Donnarumma ayaa si bilaash ah ugu biiray kooxda reer France eeSaint-Germain, kadib markii uu dhacay qandaraaskiisa naadiga AC Milan.
Goolhayaha reer Talyaani ayaa noqday saxiixii afaraad ee kooxda Paris Saint-Germain xagaagan, kaddib xiddigaha kala ah Georginio Wijnaldum, Achraf Hakimi iyo Sergio Ramos.
Ciyaaraha
Rasmi Ramos oo ka tagay Naadiga Real madrid
kooxda kubadda cagta Real Madrid ayaa xaqiijisay in Kabtankeeda Sergio Ramos uu isaga tagayo naadiga marka uu dhammaado qandaraaskiisa.
Laacibkan ayaa haatan soo gabo-gabeynaya 16 sano oo uu xirnaa maaliyadda naadiga Real Madrid xagaagan.
Muddooyinkii ugu dambeeyay waxaa socday wada-xaajood ku aaddan in heshiiska loo kordhiyo difaaca reer Ispain balse ugu dambeyn waxaa burburay wada-hadalladaas
saacadaha soo Aadan ayaa la qorsheeyay inuu xiddiggan qabto shir jaraa’id oo uu ku macsalaameynayo kooxda.
-
News In English2 years ago
Somalia’s President defends his PhD thesis at UPEACE as the University’s program is praised at the UNGA77th Session in New York and UPEACE 34th Council meeting in Geneva.
-
Wararka4 months ago
Dating Advice for Singles: How to Increase your chances of Finding Love
-
Wararka3 years ago
Duqeyn Dhanka Cirka Ah Oo Ka Dhacday Gobolka Mudug.
-
Wararka6 months ago
Latest News: House Sale Contract Signed, Operating Agreement and Amendment, Announcement about Rental Agreement Crossword Clue, Custody Agreement in Maryland, Rollover Agreement Template, Agreement 1980 MP3, Divorce Settlement Agreement South Africa Template, Tax Definition Agreement, Latest Prenuptial Agreement Sample Philippines, Volume Based Discount Agreement