Qorshaha Maamul u Sameynta Labada Gobol ee Sh/dhexe iyo Hiiraan

0
351

Wasiirka Wasaarada Arrimaha gudaha iyo Federalka Cabdraxmaan Maxamed Xuseen Odowaa ayaa soo bandhigay qorshaha maamul u sameynta labada gobol ee Sh/dhexe iyo Hiiraan iyadoo socon doonta geedisocodka maamul u sameynta muddo afar bilood ah. Wasiirka arrimaha gudaha ayaa sheegay in tallaabada u horeysa ee maamul u sameynta labada gobol ay tahay kadib marka la saxiixo in maamul loo sameeyo labada gobol in la sameeyo guddi farsamo.

Maamulka loo dhisayo labada gobol ee Sh/dhexe iyo Hiraan ayaan la aqoon halka uu shirka maamul u sameynta uu ka dahcayo, sidoo kale lama garanayo magaca iyo calanka uu yeelanayo maamulkan cusub.

Halkan ka akhriso qorshaha dowlada ee Maamul u Sameynta labada gobol;

8da August 2015 Saxiixa Dhismaha Maamulka labada gobol ee Sh.dhexe iyo Hiiraan,

9-15 August 2015 waxaa la magacaabayaa guddiga farsamada ee Maamul u sameynta labada gobol.

15-30 August 2015 diyaargareynta goobta uu shirka ka dhici doono.

1-da September 2015 shirka ayaa si rasmi ah loo furi doonaa una bilaaban doono.

1-20ka September 2015 Wajiga hore ee shirka oo ah Odayaasha Dhaqanka iyo Dib u Heshiisiin.

20Sep-20 Oct Wajiga Labaad ee shirka oo ah ansixinta dastuurka ee ay ergada ansixinayaan. Iyo sidoo kale soo xulista xubnaha baarlamaanka.

1-da November 2015 sameynta kaararka Xildhibaanada. Waxaana la dhaarin doonaa xildhibaanada iyadoo kalfadiga koowaad ee baarlamaankana la qaban doono.

2- Nov-4November 2015 dejinta xeerarka doorashada guddomiyaha iyo ku xigeenada baarlamaanka.
5ta Novembar 2015 Magacaabista Guddiga Doorashada Baarlamaanka.

7-da November Qabashada Doorashada guddoomiyaha baarlamaanka iyo ku xigeenadiisa.

9- November Dhismaha Guddiga Doorashada Madaxweynaha.

10- November Qabashada araajida musharaixiinta Madaxweynahah maamulka labada gobol.

11-November Dhagaysiga qudbadaha Musharixiinta

24 November Qabashada Doorashada Madaxweynaha Maamulka Labada gobol. Iyo ku xigeenkiisa.

1da December 2015 Xaflada dhaarinta Madaxweynaha iyo Madaxweyne ku Xigeenka Maamulka labada gobol .