John Kerry oo gaaray dalka Cuba, si uu kaga furo Safaaradda Marekanka

0
354

Madaxweynaha Maamulka Galmudug C/kariin Xuseen Guuleed ayaa ka hadlay mooshinka laga keenay Madaxweynaha Soomaaliya Xasan Sheekh Maxamuud, isagoo xusay in mooshinkaas in hada la keeno aanay ku habooneyn xaalada dalka uu ku jiro.

C/kariin Guuleed ayaa hadalka ka sheegay munaasabad xalay ka dhacday degmada Cadaado oo lagu soo dhoweynayay Safiirkii hore ee Soomaaliya u fadhiyay Kenya Amb. Maxamed Cali Ameeriko.

“Waxaa ogtihiin in labadan maalmood ee la soo dhaafay inuu soo ifbaxay mooshin laga geeyay baarlamaanka federaalka madaxweynaha jamhuuriyada oo la leeyahay waa mooshin xil ka qaadis, shaki kuma jiro inuu baarlamaanka awood u leeyahay, awoodihiisa dastuurka ayay ka mid tahay in Madaxwenaha xilka ka qaadaan”ayuu yiri Madaxweyne Guuleed.

Sidoo kale waxaa uu sheegay in daruufta iyo xaalada dalka uu ku jiro aanay ku habooneyn in mooshinka la keeno, isla markaana aanay maslaxad u aheyd dalka iyo dadka sida uu yiri

“Waxaa u soo jeedin lahaa baarlamaanka Soomaaliyeed inay dib u eegis aad u weyn ku sameeyaan, loona garto is qab qabsiga hey’adaha dowliga in aanay habooneyn looguna turo dalka marxalada uu marayo, waxaan ognahay xukuumado markii mooshin laga keeno, marka Xukuumadahaas meesha ka baxdo waqtiga qaadanayso in la soo dhiso, tan Madaxweynaha waa ka sii daran tahay, waayo waa shaqsiga dalka ugu sareeyay”ayuu yiri Madaxweynaha Galmudug.

Mr Guuleed ayaa u soo jeediyay Xildhibaanada Baarlamaanka Federaalka inay ka laabtaan mooshinkaas oo aanan xilligan maslaxad u aheyn marxalada uu dalka ku jiro.

Xildhibaano ka badan 90 xubnood ayaa maalin ka hor u gudbiyay Guddoonka Baarlamaanka mooshin ka dhan ah Madaxweynaha Soomaaliya, iyagoo qoray document ka kooban sagaal bog oo ah eedeymo Madaxweynaha loogu jeedinayo inuu wax ka qaban waayay xaalada dalka, kuna xadgudbay dastuurka dalka u yaalla.

Madaxweyne Xasan Sheekh oo shalay ka hadlay mooshinkan ayaa sheegay in aanay habooneyn in si qab qabsi cusub la abuuro, isla markaana mooshinkaas ay wadaan dad qaar ah oo qaswadayaal ah, kuwaasoo uu xusay in la garanayo taariikhda ay siyaasada ku leeyihiin, aanay marna hakin doonin horumarka ay Soomaaliya gaareyso.