Mahdi Maxamed Guuleed (Khadar) ayaa maanta u dhoofay dalka Jordan.

0
52

Ra’iisul wasaare ku-xigeenka xukuumadda federaalka Soomaaliya  mudane Mahdi Maxamed Guuleed (Khadar) ayaa maanta u dhoofay dalka Jordan oo uu uga qayb galayo shir ay leeyihiin madaxda wadamada Carabta oo looga hadlayo Is-bedelka Cimillada adduunka iyo deegaanka.

Shirkan oo diiradda lagu saarayo hanaanka wadamada Carabtu  iska kaashanayaan hagaajinta deegaanka iyo arrimaha la xariira is-bedelka cimilada aduunyada ayaa waxaa sidoo kale ka qayb gelaya hey’adaha caalamka ee ka shaqeeya deegaanka iyo is-bedelka cimilada aduunyada.

Ra’iisul wasaare ku-xigeenka ayaa sheegay in kulankan uu muhiim u yahay Soomaaliya oo ka mid ah dalalka dhibaatada badan ku qaba xaalufinta iyo jaridda dhirta iyo waxyaabaha kale ee laga dhaxlo ee ay ka mid yihiin fatahaadda iyo abaaraha.