Dowladda Burundi Oo Qaar Kamid Ah Ciidamadeeda Kala Baxday Soomaaliya.

0
169

Dowlada Burundi ayaa bilowday in Soomaalia kala baxdo qaar kamid ah ciidamadeeda howlgalka Nabad ilaalinta u joogay Soomaaliya, kadib markii Midowga Afrika ku amray Burundi in ay dhinto ciidankeeda jooga Soomaaliya .

Sida aan Wararka ku helnay ilaa 200-askari oo katirsanaa Ciidamada Burundi ee qeybta ka ahaa AMISOM ayaa saacadihii lasoo dhaafay ka dhoofay magaalada Muqdisho kuwaa oo dalkooda dib ugu laabtay.

Sargaal katirsan ciidanka Burundi ayaa sheegay in uu bilowday qorshihii Burundi Soomaaliya ugala baxeysay kun askari oo ciidankeeda katirsanaa, waxaana sidoo kale la filayaa in Burundi ciidamo kale Soomaaliya kala baxdo.

Dowlada Burundi ayaa aad uga xumaatay in Soomaaliya kala baxdo qaar kamid ah ciidankooda AMISOM katirsan, waxa ayna dowlada Burundi ku hanjabtay in dhamaan kala baxeyso ciidankeeda jooga Soomaaliya.

Midowga Afrika ayaa Dowlada Burundi Soomaaliya kala baxdo kun askari oo ciidankeeda kamid ah, waxaana qorshahan uu yahay mid Midowga Afrika ku dhimayo Ciidamada AMISOM ee ka howlgalaa Soomaaliya.