(Akhriso):- Labada Gole Ee Baarlamanka Somaaliya Oo Maanta Yeelanaya Kulan Dag Dag Ah Iyo Madaxweyne Ismaciil Cumar Geelle Oo Khudbad Ka Jeedin Doono Kulankooda.

0
293

Madaxweynaha Jabuuti Ismaaciil Cumar Geelle oo shalay soo gaaray magaalada Muqdisho, ayaa maanta la filayaa inuu khudbad u jeediyo xildhibaanada labada aqal ee baarlamanka.

Xildhibaanada ayaa kulan ku yeelanaya xarunta Tababarka ciidamada ee Iskuul Baluuziya ee magaalada Muqdisho, waxaana la filayaa in Khudbad dhinacyo badan taabaneyso uu uu jeediyo xildhibaanada.

Amaanka magaalada Muqdisho ayaa aad loo adkeeyay, waxaana gabi ahaanba la xiray waddooyinka gala xarunta ciidamada Tababarka oo uu maanta ka furmayo kulamada baarlamaanka.

Xildhibaanada baarlamaanka ayaa dib loo dhigay furitaanka Kalfadhiyadooda, waxaana loo sababeeyay xiisadda u dhaxeysa labada aqal ee baarlamaanka, iyadoo xalay xildhibaanada fariimo loo diray.

Guddoomiyaasha labada aqal ee baarlamaanka Soomaaliya ayaa la filayaa inay ka qeyb galaan kulanka maanta ka dhaceyo magaalada Muqdisho.