Madaxweeynaha Soomaaliland oo Kulan la qaatay Hogamiyaha Xisbiga Wadani Eng Ciro.

0
51

Madaxweynaha Somaliland Muuse Biixi Cabdi iyo guddoomiyaha xisbiga Waddani Cabdiraxmaan Maxamed Cabdillaahi (Cirro), ayaa xalay kulan ku yeeshay magaalada Addis Ababa ee dalka Itoobiya oo ay labadooduba ku suganyihiin.

Ma jiro war rasmi ah oo kulankaas laga soo saaray, laakiin warar Hoose oo aan heleyno ayaa shegaya in Madaweyne Biixi iyo guddoomiye Cirro ay xalay kulan casho ah isku soo hor fadhiisteen ,Kulankaas oo ka dhacay hoteelka uu Madaxweynuhu ka degenyahay Itoobiya, waxaana kulanka ku weheliyay Wasiirkii hore ee arrimaha dibadda Somaliland Dr. Maxamed Biixi Yoonis oo hadda ka tirsan Waddani, Wasiirka xanaanada xoolaha iyo kalluumaysiga Siciid Sulub Maxamed iyo odayaal kale oo reer Somaliland ah.

Kulanka oo ay albaabadu u xidhnaayeen, ayaan si rasmi ah loo garanayn qodobada ay ka wada hadleen Madaxweynaha iyo guddoomiyuhu, waxase la filayaa inay ka wada hadleen xaaladaha siyaasadeed ee hadda dalka ka taagan gaar ahaan qaddiyada guddiga doorashooyinka oo caqabad ku noqotay in doorasho dalka ka qabsoonto.

Kulankii u dambeeyay ee dhex maray Madaxweyne Biixi iyo labada guddoomiye mucaarad ayaa ahaa 26 December 2019 markaas oo uu burburay kulankaasi, ka dib markii la isku fahmi waayay fulinta labadii qodob ee ay guddiga dhexdhexaadintu ka soo saareen khilaafka ka dhashay guddiga doorashooyinka.