Amiir Charles oo laga Helay Corona Virus

0
134

Dhaxal sugaha boqorooyada Ingiriiska Amiirka Wales ayaa baaritaano lagu sameeyay lagu ogaaday in uu qabo xanuunka coronavirus, sida lagu sheegay war saxaafadeed ka soo baxay Aqalka Clarence.

 

Amiir Charles, oo 71 sano jir ah, waxaa lagu arkay astaamaha Covid-19 “balse waaxda caafimaadka ayaa sheegtay in  xaaladdiisa caafimaad ay wanaagsan tahay.

 

Aqalka Clarence wuxuu sheegay in Charles iyo Camilla ay hadda is karantiileen Gurigooda Balmoral. Waxaa intaa lagu daray in Amiirka uu ka soo shaqeynayay guriga maalmihii la soo dhaafay.

 

Warka qoraalka ah waxaa lagu yiri: “Iyadoo la raacayo talada dowladda iyo adeegyada caafimaadka, Amiirka iyo xaaskiisa waxay isku go’doominayaan gurigooda ku yaalla Scotland.

 

“Ma cadda weli qofka uu Amiirka ka qaaday fayraska iyadoo ay jirto in uu shaqo culus oo la xiriirta doorkiisa uu qaaday isbuucyadii la soo dhaafay.”