Wararka

Cali Dheere ayaa sheegay in khaaare aad u xoogan ay gaarsiiyeen Ciidamada Kenya

La Qoray

6 years ago

Jan 17, 2016

Waxaa Qoray

Star FM

Afhayeenka Guud ee Al-Shabaab Sheekh Cali Dheere ayaa sheegay in khaaare aad u xoogan ay gaarsiiyeen Ciidamada Kenya, kadib markii jimcihii la soo dhaafay ay weerareen saldhig milateri ay ku lahaayeen deegaanka Ceel Cadde ee Gobolka Gedo.

Cali Dheere oo la hadlayay warbaahinta afka Shabaab ku hadasha ayaa sheegay in weerarkan uu ahaa mid qorsheysan, isla markaana dagaalyahanadooda ay gudaha u galeen xerada ciidan ay ku sugnaayeen Ciidamada Kenya.

“Qorshahan wuxuu ahaa mid mujaahidiinta ay muddo soo wadeen, inaan xero xero u baabi’ino cadawga, hadii shalay la galay xerooyinkii Janaale, Leego, Jameeco, maantana xeradii Ceel-Cadde ee Kenyanka ku sugnaayeen ayaa la galay oo aan ku baabi’inay”ayuu yiri Cali Dheere.

Waxaa uu sheegay in Ciidamada Kenya ay ka dileen in ka badan 100 askari, kuwaasoo uu tilmaamay in meydadkooda laga soo uruurinayo duurka, sida uu hadalka u dhigay.

Sidoo kale waxaa uu xusay in gaadiid fara badan oo gaaraya sodomeeyo ay kala wareegeen, isagoo tilmaamay in hub iyo saanad milateri ay gacanta ku dhigeen.

“Waxaan rabnaa inaan Kenya u tilmaamno in dagaal aadan aqoonin ayaa soo gasheen, dagaalka wuxuu idinka reebi doono baaba’a, hantidiina ayaa ku baabi’i doonto, wiilashiina ku dhamaan doonto, guryihiina iyo daaraha dhaa-dheer ayaa ku dumi doono, maanta xaqiiq ayaa heysaan, in hubkii aad u faaneyseen inaan gacanta ku dhignay”ayuu yiri Afhayeenka Al-Shabaab Cali Dheere.

Madaxweynaha Kenya Uhuru Kenyatta ayaa war uu soo saaray jimcihii ku sheegay in askar looga dilay dagaalkii ka dhacay deegaanka Ceel-Cadde, inkastoo aanu sheegin tirada rasmiga ah ee askarta uga dhimatay weerarkaas.

Al-Shabaab ayaa muddooyinkii u dambeeyay kordhiyay weerarada qorsheysan ee ay ku qaadayeen saldhigyada Ciidamada AMISOM ku leeyihiin Koofurta Soomaaliya.

Ciwaanada La Xiriira

Up Next

C/wali Sheekh Axmed ayaa walaac ka muujiyay shirarka wada tashi ee la isku mari la’yahay ee ka socda magaalada Kismaayo

Don't Miss

Magaalada Kismaayo ee xarunta Gobolka JUbada Hoose ayaa waxaa wali ka socda kulamo gooni gooni ah oo u dhexeeya Madaxda Dowlada Federaalka Soomaaliya iyo Madaxda Maamul Gooleedyada dalk

sii aqri

ka dhiibo aragtidaada

Wararka

Ciidanka Dawlada Oo Howlgala Ka Sameeyey Gobolka Jubbada Hoose.

La Qoray

14 hours ago

Sep 22, 2021

Waxaa Qoray

Ibrahim Abdi Hassan

Ciidamada Kumaandooska DANAB ee Ururka 5-aad guutada 16-aad ee xoogga dalka iyo kuwa daraawiishta Maamulka Jubbaland ayaa saacadihii lasoo dhaafay howlgal qorsheysan si wadajir ah uga sameeyay Gobolka Jubbada Hoose.

Ciidamada oo iskaashanayay ayaa howlgalka sigaar ah uga sameeyay deegaanada kala Bar-sanguuni, malayleey, bandarjadiid ,araare, koban, bangeeni & deegaano kale oo ay ku sugnaayeen Al-shabaab.

Saraakiisha hoggaamineysay howlgalka Ciidamada ayaa waxaa ay sheegeen in inta uu socday howlgalka lagu dilay 13-xubnood oo ka tirsan Al-shabaab oo ku jireen Saraakiil, waa sida hadalka ay u dhigeen Saraakiisha..

Sidoo kale Saraakiisha Ciidamada DANAB ee Ururka 5-aad guutada 16-aad iyo kuwa daraawiishta Jubbaland oo la hadlay Idaacadda Codka Ciidamada ayaa u sheegay in duqeyn lagu burburiyey fariisimo ay lahaayeen Shabaabka.

Ciidamada DANAB iyo kuwa daraawiishta Jubbaland ayaa dhowr jeer howlgalo ka dhan ahaa Al-shabaab sidaan oo kale uga sameeya deegaano ka tirsan Gobolka Jubbada Hoose, waxaana xusid mudan in dhinacyada ay dhexmareen dagaalo geystay khasaaro.

sii aqri

Wararka

Dadaaladii Lagu Xalinaayey Khilaafka Rooble & Farmaajo Oo Wali Socda.

La Qoray

14 hours ago

Sep 22, 2021

Waxaa Qoray

Ibrahim Abdi Hassan

Waxaa weli socda dadaalada lagu doonayo in lagu xaliyo khilaafka u dhexeeya Madaxweyne Maxamed Cabdulaahi Farmaajo iyo Ra’isul Wasaare Maxamed Xuseen Rooble.

Dadaalada waan waanta ee laga dhex wado Madaxweyne Farmaajo iyo Ra’iisul Wasaare Rooble ayaa xalay waji cusub galay, iyadoo dadaaladaas ay hoggaaminayaan Madaxweyne Qoorqoor iyo Guddoomiye Mursal.

Madaxweyne Qoorqoor oo ay wehliyaan Wasiirka Waxbarashada C/llaahi Carab iyo Wasiir Kuxigeenka Warfaafinta Al Cadaala oo la kulmay Madaxweyne Farmaajo, iyagoo qodobada waan waanta ee ay isla soo gaareen ula tageen, sidoo kalena kulankaas uu hordhac u yahay in la isku keeno Farmaajo iyo Rooble.

Ilo ku dhow dadka waanwaanta wada ayaa sheegay in meel wanaagsan wax marayaan, kulamadoodiina ay horumar ka sameeyeen oo ay soo gaarsiiyeen heer labada dhinac isku soo dhowaadeen.

Kulamadii shalay dhacay ayaa laga helay warar sheegaya in shuruudo ay jiraan sida doodda dhaheysa in Wasiirka Amniga C/llaahi Maxamed Nuur loo wareejiyo Arrimaha Gudaha, waana dood xoog leh oo dhanka Farmaajo ka socoto iyo in Bashiir Goobe la geeyo meel kale oo aan aheyn Taliska NISA oo uu Farmaajo keensado qof uu u soo magacaabo.

Sidoo kale Guriga uu Agaasimihii hore ee NISA Fahad Yaasiin ka degan yahay Madaxtooyada ayaa waxaa ku kulmay Taliyeyaal ka tirsan ciidanka, sida Taliyaha Booliska Soomaaliyeed, Booliska Gobolka Banaadir iyo Kusimaha NISA ee uu magacaabay Madaxweyne Farmaajo iyo saraakiil kale.

Khilaafka u dhaxeeya Madaxweynaha muddo xileedkiisa uu dhamaaday ee Maxamed Cabdullaahi Farmaajo iyo Ra’iisul Wasaaraha xilgaarsiinta Maxamed Xuseen Rooble ayaa daba dheeraaday , iyada oo Beesha Caalamka ay cadaadis ku saareyso in dhinacyada heshiis gaaraan.

sii aqri