Dalka Sudan waxaa heshiis ku saxiixay militariga dalkaasi iyo guddiga shacabka, si loo soo afjaro is marin waaga siyaasadeed ee muddooyinkii u dambeeyey kajiray dalkaasi.

Heshiiska cusub ayaa dhigaya in dowlad cusub ay wada dhistaan militariga iyo rayidka, iyo in mudaddaasi lagu diyaariyo barnaamij kala guur siyaasadeed oo Sudan looga hergelinayo dowlad rasmi ah oo rayidku hoggaamiyo.

Muddo sabado ah ayaa waxaa khalalaaso siyaasaded iyo mid amni uu kajiraa dalka Suudaan, hayeeshee dhawaan la rajeeynayo inay dhammaadaan oo la dhiso dowlad ay ku midysan yihiin Millateriga iyo Rayidka.

Howlgalka Midowga Afrika ayaa ka hadlay qabsashada ciidamada dowladda Soomaaliya ee Aadan Yabaal ee Gobolka Shabeellaha dhexe, taasi oo dhawaan Ciidanka Dowladda iyo kuwa dadka degaanka ay kala wareegeen dagaalamayaasha Al-Shabaab,  oo muddo dheer xarun ay u ahayd Aadan yabaal.

Qoraal kasoo baxay Midowga Afrika ayaa waxaa lagu bogaadiyay la wareegista Ciidanka dowladda Soomaaliya ay la wareegeen degmadaasi, waxaana bayaanka sidoo kale lagu sheegay in Howgalka Midowga Afrika ay kaalintooda ka qaadan doonaan dagaalka ka dhanka ah AL-Shabaab.

Dowladda Soomaaliya ayaa shaacisay in ciidamada dowladda Soomaaliya oo kaashanaya kuwa deegaanka ay Al-shababa kala wareegeen degmada Aadan Yabaal waxaana degmadaas iyo degaaanada kale ee ku xeyran ay muhim u ahaayeen Al-Shabaab oo in muddoo ah ka talinyay.

Madaxweynaha Jamhuuriyadda Federaalka Soomaaliya Xasan Sheekh maxamuud iyo Wafdi uu hoggaaminayo ayaa maanta ku wajahan dalka Jabuuti, waxaana hadda socota qaban qaabada ku aaddan safarka madaxweynaha.

Ujeedka Safaraka Madaxweyne Xasan Sheekh ayaa ah, ka qayb galka munaasabadda xeritaanka Shirka Heritage, oo maal mihii aynu soo dhaafnay ka socday magaalada Djabuuti ee Caasimadda dalka jabuuti.

Waxaana horay Shirkaasi qayb ka ahaa Masuuliyiin sar-sare oo ka tirsan Dowladda Xasan Sheekh, kuwaasi oo isugu jira Wasiiro,Xildhibaanno iyo mas’uuliyiin.

Sidoo kale Madaxweynaha ayaa dalka Jabuuti uga sii gudbi doona dalka Mareykanka oo uu ka dhacayo Shirka Afrika iyo Mareykanka ee looga hadlayo arrimo uu qayb ka yahay Ganacsiga.