Soo dhawaada saaxiibayaal, halkan waxa aan idinkugu soo gudbineynaa Bandhigga Horseed.

Barnaamijkan oo ku saabsan Muhiimadda ay dadka deegaanka u leedahay Waddada laamiga ah ee laga hirgeliyay degmada Deyniile, waxaa ku jira sheekooyin xiiso badan.

Abubakar Maxamed Cali ayaa soo jeedinaya.

Halkan ka dhageyso:

Saaxibadeenna Starfm, waxa aan halkan idinkula wadaageynaa xayeysiiska barnaamijka Horseed, bandhig diiradda saaraya Dib-u-dhiska, Dib-u-heshiisiinta, Wadahadalka iyo Horumarrada dalka ku tallaabsanayo.

Barnaamijkan ayaa ka dhageysan doontaan hirarka fm ee Star fm iyo bah-wadaagteenna shaqada, ha u deymo la’aanina.

Dadka deggan magaalada Warsheekh iyo tuulooyinka hoostaga ayaa waxa ay u egtahay in ay ka baxayaan baahiyaha ay u qabeen adeegyada caafimaadka, kadib markii ay magaalada yeelatay Isbitaal guud.

Tobaneeyo qof ayaa todobaadkii taga dhakhtarka, si’ ay u helaan baaris ama daweyn bilaash ah. Waxaa kale oo ay haweenka deegaanka ka gudbeen dhibaatooyinkii xilliga Uurka, Umusha iyo Dhalmada kadib, maadaama ay hawlwadeenno xirfadyahanno ah ay ka shaqeynayaan.

Isbitaalka ayaa waxaa hirgeliyay oo qarashka hawlaha uu qabto  ka bixiya dalladda ururada Warmocad oo ah hay’ad ay leeyihiin jaaliyadda deegaanka.

Dr. Zakariye Meyre, oo ah isu-duwaha caafimaadka magaalada Warsheekh iyo agaasimaha guud ee isbitaalka magaaladaasi ayaan ka wareysannay hawlaha ay hayaan iyo duruufaha ku xeeran.

Waxa uu u warramay Abubakar Maxamed Cali.

Halka hoose ka dhageyso: