Ra’iisul Wasaaraha Xukuumadda Soomaaliya Maxamed Xuseen Rooble ayaa kulan la yeeshay Guddoomiyaha Aqalka Sare iyo Ra’iisul Wasaare Ku-xigeenka dalka Mahdi Maxamed Guuleed.

War kasoo baxay Xafiiska Ra’iisul Wasaaraha ayaa waxaa lagu sheegay in Rooble uu dhammeeyay madmadowgii soo kala dhex galay Mahdi Guuleed iyo Cabdi Xaashi, iyadoo la isku afgartay in ay si wada jir ah Ra’iisul Wasaaraha ugala shaqeeyaan dhammeystirka doorashada xildhibaannada Golaha Shacabka ee ka soo jeeda Somaliland.

Tallaabadaan ayaa kusoo aadeysa xilli dhawaan Guddoomiyaha Aqalka Sare Cabdi Xaashi oo Warbaahinta la hadlay uu codsaday in la hakiyo doorashada Golaha Shacabka ee Gobolada Waqooyi inta laga saxayo khalalaadka jira.

Magaalada Baydhabo ee Xarunta Gobolka Baay ayaa Maanta waxaa gaaray wafdi ka socday Hay’adda Socdaalka iyo Jinsiyada dowladda Federaalka oo uu hoggaaminaayey Agaasimaha guud Hay’adda Socdaalka Cabduqaadir Cilmi Cali.

Wafdigaan ayaa waxaa Garoonka diyaaradaha Shaati Guduud kusoo dhaweeyay Mas’uuliyiin kala duwan oo ka tirsan Maamulka Koonfur Galbeed, iyagoona Magaalada Baydhabo u tegay Arrimo la xiriira Hay’adda Socdaalka iyo Jinsiyada Soomaaliya.

Madaxweynaha dowlad Goboleedka Koonfur Galbeed Cabdicasiis Xasan Maxamed Laftagareen ayaa Xarunta Madaxtooyada ku-meel gaarka u ah Maamulka kulan kula qaatay wafdiga uu hoggaaminayay Agaasimaha guud Hay’adda Socdaalka Cabduqaadir Cilmi Cali.

Madaxweyne Lafta-gareen ayaa waxaa Agaasime Cabduqaadir Cilmi iyo wafdigiisa kala hadlay dardar-gelinta howlaha Hay’adda Socdaalka iyo Jinsiyada dowladda Federaalka iyo sidii adeegyada Bulshada deegaanada Maamulka loogu dhammeyri lahaa.

Kulanka ayaa waxaa sido kale ka qeybgalay Wasiiru-dowlaha Madaxtooyada Maxamuud Maxamed Kheyr , Agaasime ku xigeenka Madaxtooyada Cabdifatax Mahad iyo Agaasimaha Hay’adda Laanta Socdaalka iyo Jinsiyada Qeybta Koonfur Galbeed Cumar Xaaji Ibraahim.

Wararka laga helayo Suuqa Weyn ee Bakaaraha ee magaalada Muqdisho, ayaa sheegaya in qaybo ka mid ah Suuqa la xiray ka dib markii kooxda Daacish ay lacago dheeraada ku soo rogtay ganacsatada.

Qaar kamid ah ganacsatada ayaa sheegay, in qaybaha xiran saaka ay ugu muhiim sanyihiin qeybaha lagu iibiyo qalabka dhismaha, waxaaana maalmihii la soo dhaafay soo baxayay wararka sheegaya in Kooxda Daacish ay lacago weeydiisatay qaar kamid ah Ganacsatada Suuqa.

Ganacsatada qaarkood ayaa Warbaahinta u sheegay in kooxda Daacish ay waydiisatay, boqolkiiba sodon inuu ka bixiyo qofka ganacsadaha ah hantida uu ku shaqeeyo, taas oo culeys ku noqotay Milkiilayaasha Goobaha Ganacsiga.

Ganacsatada ayaa horey u bixin jiray lacago ay ku soo rogeen Al-Shabaab. Dawladda ayaa sidoo kale canshuur ka qaada ganacsatada, welina laamaha Amniga Soomaaliya kama hadlin tallaabadaan ay Maanta ku xiran yihiin qeybo kamie au Ganacsiga Suuqa Bakaaraha.