Hadal-qoraal oo ka soo baxay Bangiga Addunka ayaa lagu ansixiyey lacag wadarteedu dhan tahay 100 million oo Dollar oo lagu taageeraayo sidii loo hagaajin lahaa Adeegyada Daryeelka Caafimaadka ee Somalia.

Mashruuca lagu hagaajinayo Adeegyadaasi waxaa lagu maalgelinayaa 75 million oo ay ballanqaday Hay’adda Kaalmaynta Horumarinta ee IDA, halka ay 25 million oo Dollar ka imaan doonto Xarunta  Maalgelinta Caalamiga ee Haweenka, Carruurta iyo Dhallinyarada ee GFF.

Dhinaca kale, Madax-Gobaleedka Bangiga Adduunka u joogta Somalia, Kristina Svensson oo Qoraal soo saartay ayey ku sheegtay in Mashruucaasi sare u qaadi doono Adeegyada Caafimaadka, Nafaqaynta iyo hagaajinta  Adeeyada Caafimaadka iyo Tayayntooda ee inta badan Deegaanadda ay Baahida ka jirto, oo ay ku jiraan Goballadda Bay, Bakool, Hiiraan iyo Sh/Dhexe.

Madaxweynaha Dowlad Goboleedka Juballand  Axmed Maxamed Islaam, ayaa Aqalka Madaxtooyada ee Magaalada Kismaayo ku qaabilay xubnaha guddiga xalinta khilaafadka Doorashooyinka ee heer Federaal.

Madaxweynaha ayaa Guddiga ku bogaadiyay dadalkooda ku aadan sidii dalka uga dhici laheyd doorasho xor iyo xalaal ah iyo sidii ay u xalin lahaayeen tabashada kasoo noqota doorashooyinka.

Xubnaha guddiga xalinta khilaafadka Doorashooyinka ee heer Federaal ayaa dhankooda ku amaanay Madaxweynaha Jubbaland sidii wanaagsaneyd ee uu u bilaabay doorashada qaar kamid ah Xildhibaannada Aqalka Sare oo degaan doorashadoodu tahay Jubbaland, iyaga oo ka codsaday in inta kale ee hartay la qabto.

Xubnaha guddiga xalinta khilaafadka Doorashooyinka ee heer Federaal oo badankood ku sugan Magaalada Kismaayo ee Gobolka Jubbada Hosoe ayaa saacadaha soo socda waxaa ay tegi doonaan magalada Baydhabo su ay goobjoog uga noqdaan doorashada qaar kamid ah Xildhibaannada Aqalka Sare oo Beri ka bilabaneysa Magalada Baydhabo.

Duqeynta ayaa waxaa la sheegay in Maanta ay ka dhacday aagga u dhexeeeya Qaycad iyo Hareeri Dheere ee katirsan Gobolka Mudug, halkaas oo ay ku sugan yihiin Xubno ka tirsan Ururka Al-Shabaab.

War kasoo baxay Wasaaradda Amniga Galmudug ayaa waxaa lagu sheegay in degaanka la duqeeyay oo ay Al-Shabaab ku sugnaayeen ay sidoo kale galeen Ciidamada dowladda Soomaaliya iyo kuwa Galmudug oo howlgal kujira.

“Dagaal iyo duqayn dhanka cirka ayaa ka dhacay saldhig kale oo kooxda Shabaab ay ku lahaayeen aagga u dhexeeeya Qaycad iyo Hareere Dheere, ayadoo ciidamada qaranka iyo kuwa Galmudug ay hadda galeen saldhigga la duqeeyey, Duqaynta saakay ayaa noqonaysa tii saddexaad oo deegaanada koofurta Mudug ka dhacda saddexdii todobaad ee la soo dhaafay, ayadoo Shabaab ay soo waajahday xaalad adag iyo dagaal qaraar ayaa lagu yiri” Warka kasoo baxay Wasaaradda Amniga Galmudug.

Ilaa laba Gantal ayaa la sheegay in diyaarad dagaal ay ku duqeysay deganka duleedka ka xiga degaanka Qaycad ee katirsan Gobolka Mudug, halkaas oo sidoo kale meel u dhow ay howlgallo ka wadaan Ciidamo ka tirsan kuwa dowladda Soomaaliya iyo kuwa Daraawiishta Galmudug.

Tiro laba jeer ah ayaa duqeyn dhinaca cirka ah waxaa lala beegsaday degaanka ku yaal duleedka degaanka Qaycad ee Gobolka Mudug, waxaana Mareykanka oo sheegtay duqeyntaas uu sheegay inay aheyd mid lagu taageerayay Ciidamada dowladda ee aagaas howlgallada ka wada.