Madaxweyne ku-xigeenka Dowlad Goboleedka Galmudug Cali Daahir Ciid ayaa Xarunta Midowga Yurub ee Magaalada Muqdisho kula kulmay Masuliyiin Sare oo ka tirsan Midowga Yurub oo Boqasho ku yimid Soomaaliya.

Madaxweyne Ku Xigeenka iyo Agaasimaha Siyaasadda Dibadda ee Midowga Yurub Mudane Peter Wagner ayaa waxay ka wada hadleen sidii sare loogu qaadi lahaa mashaariicda Midowga Yurub ka fuliyo Galmudug, sida mashruucyada DEEGAN BILE, ILED iyo kuwa cusub oo la bilaabi doono dhawaan.

Kulankaan waxaa soo qabanqabiyay masuliyiin ka socotay hey’adda Socdaalka Addunka ee IOM oo ayadu shaqo muhiim ah ka haysa guud ahaan deegaanada Galmudug.

Dhanka Dowlad Goboleedka Galmudug ayaa waxaa kulanka qayb ka galay Wasiirka Wasaarada  Tamarta iyo Khayraadka Biyaha, Wasiir ku xigeenka Bay’ada iyo Isbadalka Cimilada, Masuliyiin kala matalaysay Wasaarada Haweenka iyo xuququl insaanka iyo Wasaarada Xanaanada Xolaha.

Gudoomiyaha degmada Doolow ee Gobolka Gedo Maxamed Xuseen   Cabdi lafeey ayaa shir gudoomiyay shirka amniga Degmada Doolow iyo deegaanada hoos-yiimaada.

Shirka amniga looga hadlayay waxaa ka qeybgalay maamulka Deg. Doolow, laamaha amniga iyo Guddi xafadeedyada, inta uu socda shirka waxaa diradda lagu saaray adkeynta amniga iyo wadda-shaqeynta laamaha amniga.

Gudoomiye Mohamed Hussein Abdi lafeey ayaa boggaadiyey shaqadda amniga & wadda-shaqeynta maamulka Degmada doolow, sido kale Gudoomiyaha wuxuu laamaha amniga ku amray in la xoojiya amniga Degmada oo wadda-shaqeynta dhaw lala yeesho shacabka Degmada.

Taliye Mohamed hassan Buulle “Sanbuur” ayaa sido kale loo magacabay isku-duwaha amniga Degmada Doolow oo isku xiri doona xafiiska Gudoomiyaha iyo laamaha amniga.

Madaxweynaha Jamhuuriyadda Federaalka Soomaaliya Xasan Sheekh Maxamuud ayaa tacsi tiiraanyo leh u diray qoyska iyo qaraabada uu ka baxay Alle ha u naxariistee marxuum Xildhibaan Maxamuud Maxamed Seysey.

Madaxweynaha ayaa xusay in Marxuum Maxamuud Maxamed uu door weyn ka soo qaatay u adeegidda shacabka Soomaaliyeed, madaama uu muddo dheer ka mid ahaa xildhibaannada Golaha Shacabka.

Madaxweyne Xasan Sheekh ayaa Alle uga baryey marxuumka in uu hoygiisa ka yeelo Janatul Fardowsa, samir iyo iimaanna ka siiyo qoyskiisa, ehelkiisa iyo guud ahaan ummadda Soomaaliyees ee uu ka geeriyooday.

Marxuum Maxamuud Maxamed Seysey ayaa maalmihii lasoo dhaafay ku xanuusanayay magaalada Muqdisho, isagoo xanuunkii haayay  uu u geeriyooday, Waxaana Lagu Aasay Qabuuro ku yaalla Muqdisho.