Ciidamada Amniga ayaa maanta gacanta ku dhigay nin watay waxyaabaha qarxa oo doonayay inuu isku xiray maqaayad ku taala Mogadishu Mall ee degmada Xamar weyne.

Ninkan ayaa iska tuuray waxyaabaha qarxa, kaddib markii ay ka shakiyeen ilaalada maqaayada, isagoo doonayay inuu gudaha u galo, balse dhagartiisa lagu fahmay.

Ciidamada Amniga oo ninkan ceyrsanayay ayaa markii dambe waxyaabihii qarxa iska tuuray, isagoo ku tuuray dhanka Saldhigga Xamar weyne oo ay markii dambe ku qaraxday.

Taliye ka tirsan Sadhigga Xamar weyne ayaa ku dhaawacmay qaraxa, iyadoo ninkii doonayay inuu is qarxiyo la qabtay.

Xaalada goobta ayaa ah mid degan, waxaana la filayaa in Hey’addaha Amniga ay war ka soo saaraan, kana hadlaan dhacdadan.

Shirkii Golaha amaanka ee qaramada midoobay uu ka yeeshay arrimaha Soomaaliya oo warbixino looga dhagaystay Wakiilka Xoghayaha guud ee qaramada midoobay ee arrimaha Soomaaliya James Swan iyo Wakiilka midawga Afrika ee Soomaaliya iyo waliba Wasiirka arrimaha dibadda iyo Iskaashiga caalamiga ah maxamed C/risaaq oo gabagabadii isagu hadlay, waxaa muhiimadda arrimaha ay ka midaysnaayeen ay ahaayeen Afar qodob.

1- In khilaafka iyo ismariwaaga taagan ay sabab u tahay dib u dhaca ku yimid doorashooyinkii lagu waday in ay dhacaan ka hor 8dii February,

2- In aanay jiri karin cid gaar ah oo nidaam doorasho oo u gaar ah samaysan karta,

3- In arrintu ay meel wanaagsan joogto maadaama 17 kii bishaan magaalada Baydhabo ay dhinayadu ku gaareen heshiis dhamaystiran, sidaas darteed ay muhiim tahay in si wadajir loo hirgaliyo heshiiskaas.

4- In xaaladda amaanka dalku ay halis ku jirto oo laga faa’iidaysan karo hadii aan la gaarin heshiis siyaasadeed oo loo dhan yahay.

Golaha Ammaanka ayaa siwyen uga walwalsan yahay xaaladda Soomaaliya, iyaga oo ku cel celinayay sida ay suurto gal u tahay in Soomaaliya ay la wareegto amaankeeda mar hadii 2021-22 ka lagu waday in ciidamada Soomaaliya ay la wareegaan amaankooda.

Midowga musharixiinta iyo Xukuumadda Soomaaliya ayaa loogu baaqay in ay ka fogaadaan wax walba oo keeni kara iska hor imaad siyaasadeed.

Golaha Ammaanka ee qaramada Midoobay ayaan weli go’aan rasmi ah kasoo saarin xaalada Soomaaliya, hayeeshee wadatashiyo kadib ayaa waxaa la filayaa inay go’aan ka qaataan xaalada xilligaan ee Soomaaliya.

Jugta qarax xoogan ayaa Goordhow laga maqlay inta badan degmooyinka Gobolka Banaadir, kaasi oo warar la helayo ay sheegayaan inuu ka dhacay qeyb kamid ah Degmada Xamarweyne ee Gobolka Banaadir.

Qaraxaas oo ahaa mid is-miidaamin ah ayaa waxaa la sheegay inuu fuliyay qof isku soo xiray Jaakad waxyaabaha qarxa, waxaana uu ka dhacay meel ku dhow Saldhiga Booliska degmada Xamarweyne ee Gobolka Banaadir.

Uuro iyo qiiq farabadan ayaa cirka isku shareertay qaraxa kadib, waxaana goobjoogayaal ay ku warrameen inay maqleen rasaas xoogan oo ay fureen Ciidamo ka tirsan kuwa Booliska ee saldhiga xamarweyne.

Ilaa iyo hadda lama oga khasaaraha ka dhashay qaraxaas ka dhacay Magaalada Muqdisho, waxaana la xiray goobta oo qara ka dhacay, iyadoona ay ku sugan yihiin Ciidanka Booliska Somaaliyeed.

Waxii ku soo kordha warkaas kala soco Starfmsomali.com.