Ciidamada Kumaandooska xoogga dalka Soomaaliyeed ee DANAB gaar ahaan Ururka 4aad Guutada 16aad ayaa saacadihii la soo dhaafay howlgal qordheysnaa kana dhan ahaa  Ururka Al-Shabaab ka fuliyay degmada Buurhakaba ee iyo degaano hoostaga ee Gobolka Baay.

Ciidamada ayaa sigaar ah howlgallo layu baarayay Guryaha iyo Gaadiidka noocyadiisa kala duwan ka fuliyay degmada  degmada Buurhakaba iyo degaanka Ceelbashiir oo 10km u jira degmadaas, halkaas oo la sheegay in mararka qaar ay dadka ku dhibaateyn jireen Al-Shabaab.

Saraakiil katirsan Guutada 16aad ee Kumaandooska DANAB ayaa sheegay in sidoo kale ay Ciidamadu howlgallo gaar ah ka fuliyeen dhulka howda ah ee degmada Buurhakaba, halkaas oo mararka qaar lagu arko Xubno katirsan Al-Shabaab ma sheegin waxyaabo lagu soo qabtay howlgalladaas.

Degmada Buurhakaba ee Gobolka Baay oo sidoo kale ay ku sugan yihiin Ciidamo Itoobiyaan ah ayaa waxaa mararka qaar xilliyada habeenkii weerar kusoo qaada dagaalamayaal ka tirsan Ururka Al-Shabaab, halka Ciidamada dowladda iyo kuwa Koonfur Galbeed ay degmadaasi ka fuliyaan howlgallo gaar ah

Shir madaxeedka aan caadiga aheyn ee Midowga Afrika ayaa lagu wadaa in Maanta oo Arbaco ah uu ka furmo Magaalada Malabo ee dalka Equatorial Guinea, waxaana shirkaas ka qeyb galaya wafdi ka socda dowladda Federaalka Soomaaliya.

Shirkaan ayaa waxaa looga hadli doonaa oo diirada lagu saarayaa waxa loogu yeero Argagixisanimada iyo isbedelada aan dastuuriga ahayn ee dowladdaha, isla markaana waxaa shirka uu daba socdaa shan afgambi oo Afrika ka dhacay tan iyo 2021.

Kiisaska afgembiyada ayaa waxaa ay sanadkii 2021 ka dhaceen Gobollo iyo dalal kala duwan oo ay ka mid yihiin Soomaaliya, Angola iyo Jamhuuriyadda Bartamaha Afrika, iyo kuwo kale, iyadoona shir madaxeedka furmaya Maanta uu daba socdo afgambiyadaas

Guddoomiyaha Guddiga Midowga Afrika Moussa Faki Mahamat ayaa socdaal ku gaaray Magaalada Malabo ee dalka Equatorial Guinea, isla markaana waxaa halkaas uu kulan la qaatay Madaxweynaha Equatorial Guinea Teodoro Obiang Nguema Mbasogo.

Kulanka dhexmaray Guddoomiye Moussa Faki Mahamat iyo Teodoro Obiang Nguema ayaa looga wada hadlay arrimo kala duwan oo khuseeya Gobolka iyo furitaanka Shir madaxeedka aan caadiga aheyn ee Midowga Afrika.

Madaxda ka socota dalalka Afrika ee ka qeyb galaya  Shir madaxeedka aan caadiga aheyn ee Midowga Afrika ayaa yeelan doono kulamo kala duwan oo ay uga hadlayaan xoojinta xiriirka dalalka iyo Arrimo kale oo ku aadan xaaladda Gobolka.

Wasiirka Wasaaradda Maaliyadda Xukuumadda Federaalka Soomaaliya ee xilgaarsiinta Cabdiraxmaan Ducaale Beyle ayaa kulan la qaatay Safiirka Ingiriiska ee Soomaaliya Kate Foster iyo Wakiilka Arrimaha Geeska Afrika iyo Badda Cas Philip Parham.

Wasiir Cabdiraxmaan Beyle ayaa laba Mas’uul kala hadlay Arrimo ku saabsan sii wadidda taageerada horumarineed ee Maaliyadda iyo dib-u-habaynta hannaanka dhaqaalaha Soomaaliya, sida uu ku sheegay Qoraal uu soo saaray Wasiirka Maaliyadda.

Cabdiraxmaan Ducaale Beyle ayaa tilmaamay in kulanka uu la yeeshay Safiirka Ingiriiska ee Soomaaliya Kate Foster iyo Wakiilka Arrimaha Geeska Afrika iyo Badda Cas Philip Parham uu ahaa mid muhiim ah oo lagu xoojiyay taageerada horumarineed ee Maaliyadda

“Waxa aan kulan muhiim ah la qaatay masuuliyiinta Dowladda UK oo kala ah #Kate_Foster Safiirka iyo Wakiilka Arrimaha Geeska Afrika iyo Badda Cas #Philip_Parham. Waxa aan ka wadahadlanay sii wadidda taageerada horumarineed ee Maaliyadda iyo dib-u-habaynta hannaanka dhaqaalaha Soomaaliya” ayuu yiri Beyle.