Dhegeysi

Xarunta Telefishinka Universal ee Magaalada Muqdisho oo dib u hool bilaabaya

La Qoray

6 years ago

Oct 12, 2015

Waxaa Qoray

Star FM

Ka dib dadaal badan oo loo galay sidii dib loogu fasixi lahaa Xarunta Universaltv Ee Magaalada Muqdisho, ayaa waxaa xalay suurta gashay in Dowladda Somaliya ay fasaxdo.

Taliska Hay’adda Nabad Suggida & Sirdoonka Qaranka, ayaa Maamulka TV-ga Universal u sheegay in Xaruntooda laga qaaday xayiraaddii lagu soo rogay 2-dii bishan.

Tani waxay daba socotaa dadaalo Arbacadii Xabsiga Godka Jilicow looga sii daayay Agaasimaha Telefishinka Universal Ee Bariga Afrika, C/laahi Xersi Kulmiye iyo barnaamij soo saare, Cawil Daahir Salaad.

Odayaasha Dhaqanka & Xildhibaanada Baarlamaanka Somaliya qaarkood, ayaa waxay dadaal badan ku bixiyen, sidii dib loogu fasixi lahaa Xarunta Telefishinka Universal.

Dowladda Somaliya, ayaa waxay ka carootay Barnaamijka Dood Wadaag oo 30-kii bishii hore ee September ka baxay Xarunta Universaltv Ee Magaalada Muqdisho, loogana hadlaayay xaalka uu dalku ku sugan yahay.

Qaramada Midoobe, Britain, Mareykanka iyo Ururada Saxaafadda Somaliya, ayaa si isku midda u cambaareeyay xariga loo gaystay Suxufiyiinta iyo xanibaadda la saaray Xarunta Universaltv.

Warbixin ay Jimcihii soo saartay Hay’adda U Dooda Xuquuqda Suxufiyiinta CPJ, ayaa waxay ku sheegtay in Somaliya ay noqotay dalka ugu halista badan caalamka ee Suxufiyiintu ka hawlgasho.

Ciwaanada La Xiriira

Up Next

Ciidamada dawlada oo sheegay in ay gacanta ku soo dhigeen sargaal ka tirsan al-shabaab

Don't Miss

Cabdirashiid Cali Sharma’arke ayaa maanta waxaa uu xaraga ka jaray taawarka cusub ee garoonka Aadan Cadde

sii aqri

ka dhiibo aragtidaada

Barnaamijyada

Wareysi: Isbitaalka degmada Warsheekh

La Qoray

3 weeks ago

Jul 11, 2021

Waxaa Qoray

Abubakar Mohamed

Dadka deggan magaalada Warsheekh iyo tuulooyinka hoostaga ayaa waxa ay u egtahay in ay ka baxayaan baahiyaha ay u qabeen adeegyada caafimaadka, kadib markii ay magaalada yeelatay Isbitaal guud.

Tobaneeyo qof ayaa todobaadkii taga dhakhtarka, si’ ay u helaan baaris ama daweyn bilaash ah. Waxaa kale oo ay haweenka deegaanka ka gudbeen dhibaatooyinkii xilliga Uurka, Umusha iyo Dhalmada kadib, maadaama ay hawlwadeenno xirfadyahanno ah ay ka shaqeynayaan.

Isbitaalka ayaa waxaa hirgeliyay oo qarashka hawlaha uu qabto ka bixiya dalladda ururada Warmocad oo ah hay’ad ay leeyihiin jaaliyadda deegaanka.

Dr. Zakariye Meyre, oo ah isu-duwaha caafimaadka magaalada Warsheekh iyo agaasimaha guud ee isbitaalka magaaladaasi ayaan ka wareysannay hawlaha ay hayaan iyo duruufaha ku xeeran.

Waxa uu u warramay Abubakar Maxamed Cali.

Halka hoose ka dhageyso: