Wararka

Xasan sheekh oo kahadlay waxa uu damacsanyahay sanadka 2016

La Qoray

6 years ago

Oct 14, 2015

Waxaa Qoray

Star FM

Madaxweynaha Somaliya Xasan Sheekh Maxamuud, ayaa ku dhawaaqay in uu yahay Musharax u taagan qabashada Hogaanka dalka, marka la gaaro sanadka 2016-ka oo la filaayo dalka Somaliya inay ka dhacdo doorasho nooceeda weli aanan la isla garan.

Xasan Sheekh Maxamuud oo la hadlaayay Golaha 88-aad oo ka dhisan Qurbaha ayna ku mideysan yihiin Jaaliyad Somaliyed, ayaa cadeeyay in uu yahay Musharax u taagan qabashada Hogaanka dalka, marka la gaaro waqtiga doorashada.

Madaxweynaha wuxuu cadeeyay Dowladiisa inaysan wadin qorshe ku aadan muddo kororsi, isaga oo farta ku fiiqay muddo kororsi inay leedahay dhibaato, xilligana aanan loo baahneyn amuurahaasi.

“War hadii aanan gaari karin hal cod iyo hal qof inaan kororsiino, Kororsiimada horay ayaan u soo aragnay waa ay dhib badan tahay oo qaladaad badan ay leedahay, qaladaadka shalay aan galnay yeeynaan gelin oo macno beelinee maanta wixii aan kortagno intaan ka tashano oo aan isku raacno beri waxaan rabaa shacabka Somaliyed, hadii shalay 135 Oday Baarlamaanka noo keentay, beri waxaan rabaa dad Somaliyed oo kumanaan gaaraya inay ka qayb qaataan Dowladda cusub ee imaanaysa, kumanaankaas dad matalaya, hadii ay ii gartan aniga inaan mar kale sii joogo inaan sii joogo, hadii aysan ii garan oo qof kale ay doortaan oo Cali, ama Jaamac, ama Caasho la dhaho ay u gartaan waxaan raalli ka ahay inaan qofkaasi kale ku wareejiyo, waxaan rabaa inaan dhaqan cusub iyo wado cusub inaan jideeyo ayaan rabaa, Musharax waan ahay sidaas ayaan Musharaxa ku ahay.” Ayuu yiri Madaxweynaha Somaliya.

Madaxweynaha oo sii waramaya, ayaa sheegay waligiis inuusan ka mid noqon Urur Diimeed, xilli awooda dalka lagu xaglinaayo Ururka Damul Jadiid, inkastoo Madaxweynaha uu beeninaayo in uu ka mid yahay Ururkaasi.

“Anigu Ka Madaxweynaha Jamhuuriyada, ka Xasan Sheekh ahaan Urur Diimeed waligeey kama mid noqon, maantana kama mid ahi, Damul Jadiid, Al-Islaax, Aala Sheekh, Ahlu Sunna Ictisaam Itixaad, Ansaaru sunna, waxaa jirta intaas oo magac, laakiin Madaxweyne kasta dad ka ag shaqeeya oo ka agdhaw oo shaqada u fududeeya wey soo jireen, dabcana waa ay jirayaan, laakiin waxaan kuu sheegayaa Dowlad Damul Jadiid ay leedahay dalkaan inaysan ka jirin.” Ayuu warkiisa sii raaciyay Madaxweynaha Somaliya Xasan Sheekh Maxamuud.

Madaxweynaha Somaliya ayaa mar kale beeniyay calanka Somaliya in wax laga bedelaayo, isaga oo sheegay Baraha Bulshada ay ku xiriirto in lagu faafiyay arin aanan sal iyo raad laheyn oo ku aadan in calanka wax laga bedelaayo.

Madaxweynaha Somaliya oo dad badan ay aaminsan yihiin inuu ku fashilmay Siyaasada dalka Somaliya, ayaanan la ogeyn sida mar kale loo dooran doono, maadaama lagu eedeeyo hogaan jileec iyo Kooxaysi.

Ciwaanada La Xiriira

Up Next

Madaxweynaha Galmudug Cabdkariin Xuseen oo amaanay ciidamada Galmudug

Don't Miss

Waxaan diyaar u nahay in aan fulino wax kasta oo lagu hashiiyey

sii aqri

ka dhiibo aragtidaada

Wararka

Lafta-Gareen Oo Guddoomiyay Shirka Golaha Wasiirada Koonfur Galbeed.

La Qoray

2 days ago

Apr 15, 2021

Waxaa Qoray

star fm

Madaxweynaha Dowlad Goboleedka Koonfur Galbeed Cabdicasiis Xasan Maxamed Laftagareen ayaa shir Gudoomiyey shirka Gollaha Wasiiradda Dowlad Goboleedka Koonfur Galbeed oo Todobaadkan Warbixin looga dhagaystay Wasiiradda Wasaaraddaha Amniga,Warfaafinta,Waxbarashada,iyo Dastuurka.

Wasiirka Wasaaradda Amniga Gudaha Dowlad Goboleedka Koonfur Galbeed Isaag Cali Subag oo ka warbixiyey Xaalada Amniga Deegaanada Koonfur Galbeed ayaa sheegey in Amniga uu yahay mid wanaagsan Ciidanka Xooga Dalka iyo kuwa Gaarka Dowlad Goboleedka Koonfur Galbeed ay wadaan Howlgalo lagu Sugayo Amniga.

Wasiirada Wasaaraddaha Warfaafinta,Waxbarashada iyo Dastuurka ayaa sidoo kale ka warbixiyey howlaha shaqo ee Wasaaraddaha iyo Waxyaabaha uqabsoomay.
Madaxweynaha Dowlad Goboleedka Koonfur Galbeed Cabdicasiis Xasan Maxamed Laftagareen ayaa Gollaha Wasiiradda uga Mahadceliyey Dadaalkooda ku aadan sida ay uga goantahay sidii si Cadaalad ah ay ugu adeegi lahayeen Shacabka ku nool Deeganada Koonfur Galbeed Waxaana uu Gollaha Wasiiradda Warbixin ka siiyey Shirkii Arimaha Doorashooyinka uga qeybgalay Magaalada Muqdisho ee Caasimada Dalka.

sii aqri

Wararka

Madaxweyne Deni oo hortagayo Baarlamaanka Puntland.

La Qoray

2 days ago

Apr 15, 2021

Waxaa Qoray

star fm

Madaxweynaha maamulka Puntland Siciid Cabdullaahi Deni ayaa hortaga Baarlamaanka Puntland sabtida soo socto si uu ugaga warbixiyo burburka ku yimid wadahadaladii arrimaha doorashooyinka.

Xildhibaannada Baarlamanka ayaa lagu wargeliyay in madaxweyne Deni uu Sabtida hor imaan doono Golaha kadib markii loo diray fariimo wargelin ah.

Madaxweyne Deni ayaa lagu wadaa in uu khudbaddiisa kaga hadlo xiisadda siyaasadeed ee ka taagan Muqdisho, taas oo ka dhalatay mudda kororsiga dowladda Federaalka.

Dowlada Federalka ayaa ku eedeysay Madaxweynaha Puntland Saciid Deni iyo Madaxweynaha Jubbaland Axmed Madoobe inay caqabad ku noqdeen hirgelinta heshiiskii doorashooyinka ee la gaaray 17kii September 2020.

sii aqri

Wararka

Qarax Khasaaro Gaystay Oo Ka Dhacay Inta U Dhexeysa Balcad Iyo Jowhar

La Qoray

3 days ago

Apr 14, 2021

Waxaa Qoray

star fm

Wararka aan ka helayno inta u dhexeysa Balcad iyo Gololeey ee Gobolka shabeellaha dhexe ayaa ku warramaya in goordhaweyd uu halkaasi ka dhacay qarax khasaaro badan dhaliyay, waxaana kasoo baxaya warar kala duwan.

Wararku waxaa ay tilmaamayaan in gaari ay la socdeen dad shacab ah ay miino kula kacday inta u dhexeysa Balcad iyo Gololeey, waxaana lasoo shegayaa in uu jiro khasaaro soo gaaray dadkaasi shacabka ah ee gaariga la socday.

Gaariga ayaa la sheegay in uu ka amba-baxay magaalada Muqdisho ee Caasimadda Soomaaliya, waxaana uu kusii jeeday Magaalada Jowhar ee xarunta Gobolka Shabeellaha dhexe, waxaana la sheegay in Qarax uu qabsaday gaariga, kaasi oo dhimasho iyo dhaawac u gaystay dadkii Rakaabka ahaa.

Wali lama oga tirada dhimashada iyo dhaawaca, balse dadka degaanka ayaa soo sheegaya in uu jiro khasaaro soo gaaray dadkii shacabka ahaa, waxaana wararka qaar ay tilmamayaan in afar qof oo kaliya ay ka bad-baadeen qaraxa, kuwaasi oo dhaawac ah.

sii aqri