Wararka
Wasaarada Maaliyadda oo Nairobi ku qabatay kulan looga hadlayo midaynta dakhliga dalka
Wasaarada Maaliyadda ee Dowladda Federaalka Soomaaliya ayaa magaalada Nairobi isugu keentay khubaro ka socota maamul goboleedyada dalka, iyadoo ujeedka kulanku uu yahay in la isla meel dhigo sidii dowladda dhexe iyo maamulada goboladu uga wada shaqayn lahaayeen midaynta canshuuraha iyo kor u qaadida dakhliga ka soo xarooda furdooyinka iyo canshuuraha bariga.
Ugu horayntii xiriiryaha mashruuca Maamulka Maaliyadda Dalka (PFM) Farxan Cali Maxamud oo xafiiskiisu soo qaban qaabiyey kulankaan ayaa sheegay in shirkaan uu ka soo bixi doono guddi qaran oo sii amba qaada dhamaystirka midaynta dakhliga dalka.
“Shirkaan wuxuu ku saasan yahay dhinaca xiriirka maaliyada iyo sidii ay u wadaagi lahayeen dowlada dhexe iyo maamulada dalka ka jira dakhliga dalka, iyo kala qaadashad wajibaad shaqo, haday noqon lahayd dhinaca canshuur aruurinta, dhinaca fulinta shuruucda dalka u degsan iyo la socoshada hanti dhowrka dhinca dakhliga iyo kharashaadka baxaya. Waxaa kale oo laga wada hadlayaa sidii loo qaybsan lahaa dakhliga iyo deeqaha soo gala dalka iyo qayb ahaan sidii cid walba ay uga heli lahayd dowladda dhexe saamiga ay ku leedahay madaama dalka uu ka hirgalay nidaamka federaalku” Ayuu yiri farxan oo dhanka kale xusay in ay ku rajo weyn yihiin marka shirku dhamaado 7 maalin kadib inuu ka soo baxo guddi qaran oo arimahaas sii wado, waxaana la isla qaadanayaa waajibaadka shaqo ee gudigaan waxaana loo samaynayaa qorsha howleed waqtiyeeysan, iyadoo laysla fahmayo waxa fedaraalku yahay iyo waafajinta qaybta kaga aadan dhanka maaliyadda”
Shirkaan ayaa qayb ka ahaa mashruuca lagu hormarinayo maamulka maaliyadda dalka oo ka kooban mashaariic kala duwan oo kor loogu qaadayo tayeeynta maaliyada. wuxuuna mashruucaan soo bilowday sanadkii 2013, isagoona hada si toos ah uga hirgaly dhamaan maamulada gobolada, waxaana u qorshaysan 5-ta sano ee soo socota in lagu kharash gareeyo Soomaaliya 200,000,000 $ waxaana ilaa hada gacanta lagu hayaa 50,000,000 $ oo ka mid ah lacagtaas, waxaana bixinteeda iska kaashaday deeq bixiyaasha caalamka, waxaana si gooni ah gacanta ugu haya Bangiga Aduunka, iyadoo sidoo kale mashruuca PFM uu taageero ka helo IMF iyo Bangiga Horumarinta African.
Shirkaan ayaa daba socday shir uu bishii November 2015 uu isugu keenay Wasiirka Maaliyadda XFS mudane Maxamed Aden Ibraahim Ferkeeti, dhamaan Wasiirada Maaliyadda ee maamulada gobolada, shirkaas oo laga soo saaray war murtiyeed lagu qeexaya in la sii amba qaado qorshaha qaran ee lagu midaynayo canshuuraha dalka laguna yeelanayo kulamo joogta ah oo laysku weydaarasanayo aqoonta iyo khibradaha shaqo.
Gabagabda shirka ayaa laga soo saari doono gudi farsamo si hoose uga abuura jawi ku dhisan is aaminaad marka laga hadlayo sida loo qaybsanayo kheyraadka iyadoo la qeexayo heerka canshuur oo ay qaadayso dowladda dhexe iyo canshuuraha kale oo ka soo xarooda goboladda, isla markaana la waafajinayo shuruurda canshuuraha ee dalka u degsan iyo sharciga dib u habaynta maamulka maaliyada (PFM-act )
Wararka
Cabdullaahi Cumar Abshirow iyo Xildhibaano ka tirsan Golaha Shacabka oo hor-kacayay Wafdi Ka kala socday Wasaaradda Waxbarashada XFS.
Guddoomiye Ku-xigeenka labaad ee Golaha Shacabka BJFS Mudane Cabdullaahi Cumar Abshirow iyo Xildhibaano ka tirsan Golaha Shacabka oo hor-kacayay Wafdi Ka kala socday Wasaaradda Waxbarashada Hiddaha iyo tacliinta Sare XFS, Wasaaradda Arimaha Dibadda Iyo Iskaashiga Caalamiga Ah XFS ,Akadeemiyada Cilmiga, Dhaqanka iyo Suugaanta,iyo sidoo kale Xubno ka socday Jamacadda Umadda Soomaaliyeed ayaa Magaalada Trieste ee Dalka Talyaaniga kaga qeyb galay Shir looga hadlaayay ,Magaaleynta taariikhda dhaqanka ee Muqdisho ,Dhaqaalaha badda ee rajada horumarka ee Soomaaliya,
Iyo Wax ka qabashada Caqabadaha Magaalada, Dhaqaalaha, Iskaashiga Caalamiga ah iyo Caafimaadka Bulshada.
Shirka oo Socday muddo sedax Cisho ah
Waxaa Soo qabanqaabiyay guddoomiyaha Jaaliyadda Soomaaliyeed ee Magaalada Trieste Dr Ahmed Fiqi Cilmi
Intaas kadib Guddoomiyaha ayaa Xariga ka jaray bandhig sawireedkii hore ee Muqdisho iyo horumarkeeda taariikheed ee Magaalo ahaan Waxa uuna ka Sheekeeyay Guddoomiyaha Xiriirka soo jireenka ah ee Dowladda talyaaniga iyo Dowladda Soomaaliya ay leeyahiin loona baahanyahy ayuu yari’ in la soo nooleeyo Taariikhayadii barisamaadkii hore, xarig Jarkaan bandhig sawireedkii hore waxa uu xasuuus gaar ah galinayaa waaya joogii hore ee Soomaaliya;
Ugudanbeeyntii guddoomiyaha waxa uu si gaar ah ugu Mahadceliyay Jaaliyadda soomaaliyeed ee soo qaban qaabisay shirkaan oo u ugu Horeeyo guddoomiyaha Jaaliyadda Soomaaliyeed ee Magaalada Trieste Dr Ahmed Fiqi Cilmi.
DHAMAAAD
Wararka
Xamsa Cabdi Barre, ayaa xafiiskiisa ku qaabilay Ergeyga gaarka ah ee Madaxweynaha Seerbiya
Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa xafiiskiisa ku qaabilay Ergeyga gaarka ah ee Madaxweynaha Seerbiya
u qaabilsan Geeska Afrika Mudane Vladimir Orlié oo maanta soo gaaray Muqdisho.
Ra’iisul Wasaaraha iyo Ergeyga ayaa ka wada hadlay xoojinta xiriirka iyo iskaashiga taariikhiga ah ka dhaxeeya Jamhuuriyadda Federaalka Soomaaliya iyo Jamhuuriyadda Seerbiya.
Ra’iisul Wasaaraha Xukuumadda Mudane Xamsa Cabdi Barre oo Ergeyga ka guddoomay dhambaal uu ka waday Madaxweynaha Seerbiya Mudane Aleksandar Vučić, ayaa uga mahadceliyay Dowladda Seerbiya garab istaagga iyo taageerada ay u muujisay Soomaaliya, gaar ahaan dib-u-dhiska ciidanka Qaranka oo xilligaan muhiim u ah dalka.
Dhankiisana, Ergeyga gaarka ah ee Madaxweynaha Seerbiya ee Geeska Afrika ayaa ku bogaadiyey dowladda iyo shacabka Soomaaliyeed guulaha ay ka gaareen dowlad-dhiska iyo horumarinta Soomaaliya, waxa uuna xusay miro-dhalka dagaalka ka dhanka ah argagixisada Alshabaab iyo deegaannada laga xoreeyey.
Barnaamijyo Isbuucle
Maalinta Suuqgeynta ee Shirkada HornAgro
-
News In English2 years ago
Somalia’s President defends his PhD thesis at UPEACE as the University’s program is praised at the UNGA77th Session in New York and UPEACE 34th Council meeting in Geneva.
-
Wararka4 months ago
Dating Advice for Singles: How to Increase your chances of Finding Love
-
Wararka7 months ago
Latest News: House Sale Contract Signed, Operating Agreement and Amendment, Announcement about Rental Agreement Crossword Clue, Custody Agreement in Maryland, Rollover Agreement Template, Agreement 1980 MP3, Divorce Settlement Agreement South Africa Template, Tax Definition Agreement, Latest Prenuptial Agreement Sample Philippines, Volume Based Discount Agreement
-
Barnaamijyada2 years ago
DHAGEYSO:-Barnaamijka Barqo-Wanaagsan