Wararka
Baarlamaanka oo Sharcidaro ku tilmaamay Doorashadii Axmed Madoobe
Guddiga Arimaha Gudaha iyo Amniga Baarlamaanka Somalia, ayaa sharcidaro ku tilmaamay doorashadii shalay ka dhacday magaalada Kismaayo ee lagu doortay Hogaamiyaha Maamulka Jubbaland Axmed Madoobe.
Daahir Amiin Jeesoow Guddoomiye Ku xigeenka Guddigaasi, ayaa sheegay in wixii shalay ka dhacay Magaalada Kismaayo aysan aheyn doorasho, balse ay tahay wax Bulshada Jubbooyinka lagu qaldaayo.
Xildhibaan Daahir Amiin Jeesoow, ayaa sheegay Wasaarada Arimaha Gudaha inay ka sugayaan go’aanka ku saabsan doorashadaasi, maadaama Xildhibaanada Jubbaland kol hore ay kala direen sharci ahaanshahooda Baarlamaanka Dhexe ee dalka.
“Baarlamaanka Jubbaland ee Axmed Madoobe doortay iyaga ayaan sharci aheyn maxay doortaan Madaxweyne,marka waxaan soo jeedin lahaa in aan la qaldin dadka Nabada iyo Hormarka iyo Dowladnimada Jecel ee Jubbooyinka ku nool.” Ayuu yiri Jeesow oo la hadlay Warbaahinta.
Siyaasiyiin kale oo kasoo jeeda Gobolka Gedo ayaa Doorashadaasi ku tilmaamay mid sharcidaro ah oo aanan waafaqsaneyn Dastuurka dalka u yaallo, maadaama dadka Goboladaasi dega aysan u dhameyn doorashada.
Xarunta Caymiska ee Magaalada Kismaayo ayaa shalay lagu doortay Axmed Madoobe oo ay la baratamayeen Afar Musharax, Axmed Madoobe wuxuu helay 68 cod oo kaga guuleysto musharaxiinta kale.
Ilaa hada Doorashadaasi waxaa soo dhaweeyay IGAD, Iyo Madaxweynaha Maamulka Puntland oo xulafaysi siyaasadeed kala dhaxeeyo Maamulka Jubbaland.
Wararka
Cabdullaahi Cumar Abshirow iyo Xildhibaano ka tirsan Golaha Shacabka oo hor-kacayay Wafdi Ka kala socday Wasaaradda Waxbarashada XFS.
Guddoomiye Ku-xigeenka labaad ee Golaha Shacabka BJFS Mudane Cabdullaahi Cumar Abshirow iyo Xildhibaano ka tirsan Golaha Shacabka oo hor-kacayay Wafdi Ka kala socday Wasaaradda Waxbarashada Hiddaha iyo tacliinta Sare XFS, Wasaaradda Arimaha Dibadda Iyo Iskaashiga Caalamiga Ah XFS ,Akadeemiyada Cilmiga, Dhaqanka iyo Suugaanta,iyo sidoo kale Xubno ka socday Jamacadda Umadda Soomaaliyeed ayaa Magaalada Trieste ee Dalka Talyaaniga kaga qeyb galay Shir looga hadlaayay ,Magaaleynta taariikhda dhaqanka ee Muqdisho ,Dhaqaalaha badda ee rajada horumarka ee Soomaaliya,
Iyo Wax ka qabashada Caqabadaha Magaalada, Dhaqaalaha, Iskaashiga Caalamiga ah iyo Caafimaadka Bulshada.
Shirka oo Socday muddo sedax Cisho ah
Waxaa Soo qabanqaabiyay guddoomiyaha Jaaliyadda Soomaaliyeed ee Magaalada Trieste Dr Ahmed Fiqi Cilmi
Intaas kadib Guddoomiyaha ayaa Xariga ka jaray bandhig sawireedkii hore ee Muqdisho iyo horumarkeeda taariikheed ee Magaalo ahaan Waxa uuna ka Sheekeeyay Guddoomiyaha Xiriirka soo jireenka ah ee Dowladda talyaaniga iyo Dowladda Soomaaliya ay leeyahiin loona baahanyahy ayuu yari’ in la soo nooleeyo Taariikhayadii barisamaadkii hore, xarig Jarkaan bandhig sawireedkii hore waxa uu xasuuus gaar ah galinayaa waaya joogii hore ee Soomaaliya;
Ugudanbeeyntii guddoomiyaha waxa uu si gaar ah ugu Mahadceliyay Jaaliyadda soomaaliyeed ee soo qaban qaabisay shirkaan oo u ugu Horeeyo guddoomiyaha Jaaliyadda Soomaaliyeed ee Magaalada Trieste Dr Ahmed Fiqi Cilmi.
DHAMAAAD
Wararka
Xamsa Cabdi Barre, ayaa xafiiskiisa ku qaabilay Ergeyga gaarka ah ee Madaxweynaha Seerbiya
Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa xafiiskiisa ku qaabilay Ergeyga gaarka ah ee Madaxweynaha Seerbiya
u qaabilsan Geeska Afrika Mudane Vladimir Orlié oo maanta soo gaaray Muqdisho.
Ra’iisul Wasaaraha iyo Ergeyga ayaa ka wada hadlay xoojinta xiriirka iyo iskaashiga taariikhiga ah ka dhaxeeya Jamhuuriyadda Federaalka Soomaaliya iyo Jamhuuriyadda Seerbiya.
Ra’iisul Wasaaraha Xukuumadda Mudane Xamsa Cabdi Barre oo Ergeyga ka guddoomay dhambaal uu ka waday Madaxweynaha Seerbiya Mudane Aleksandar Vučić, ayaa uga mahadceliyay Dowladda Seerbiya garab istaagga iyo taageerada ay u muujisay Soomaaliya, gaar ahaan dib-u-dhiska ciidanka Qaranka oo xilligaan muhiim u ah dalka.
Dhankiisana, Ergeyga gaarka ah ee Madaxweynaha Seerbiya ee Geeska Afrika ayaa ku bogaadiyey dowladda iyo shacabka Soomaaliyeed guulaha ay ka gaareen dowlad-dhiska iyo horumarinta Soomaaliya, waxa uuna xusay miro-dhalka dagaalka ka dhanka ah argagixisada Alshabaab iyo deegaannada laga xoreeyey.
Barnaamijyo Isbuucle
Maalinta Suuqgeynta ee Shirkada HornAgro
-
News In English2 years ago
Somalia’s President defends his PhD thesis at UPEACE as the University’s program is praised at the UNGA77th Session in New York and UPEACE 34th Council meeting in Geneva.
-
Wararka4 months ago
Dating Advice for Singles: How to Increase your chances of Finding Love
-
Wararka7 months ago
Latest News: House Sale Contract Signed, Operating Agreement and Amendment, Announcement about Rental Agreement Crossword Clue, Custody Agreement in Maryland, Rollover Agreement Template, Agreement 1980 MP3, Divorce Settlement Agreement South Africa Template, Tax Definition Agreement, Latest Prenuptial Agreement Sample Philippines, Volume Based Discount Agreement
-
Barnaamijyada2 years ago
DHAGEYSO:-Barnaamijka Barqo-Wanaagsan